पुणे - पिस्तूल परवाना व सुरक्षा रक्षक मिळावा यासाठी स्वतःच्या गाडीवर गोळीबार घडवून आणणाऱ्या शिवसेनेच्या (एकनाथ शिंदे गट) युवासेनेचा जिल्हाप्रमुख नीलेश घारे याला पोलिसांनी बुधवारी उशिरा अटक केली..यापूर्वी याप्रकरणात सचिन गोळे (वय-२२), शुभम खेमनार (वय-२४) आणि अजय ऊर्फ बगली सकपाळ (वय-२१, तिघे रा. वारजे माळवाडी) यांना अटक करण्यात आलेली आहे. गोळीबार करणारा संकेत मातले हा फरार असून पोलिस त्याचा शोध घेत आहेत..घारे युवासेनेचे जिल्हाध्यक्ष आहेत. वारजे माळवाडी भागातील रामनगर येथे पक्षाचे कार्यालय आहे. गेल्या १९ मेला रात्री १२ च्या सुमारास ते बैठकीसाठी कार्यालयात आले होते. त्यांनी त्यांची कार पार्क केली व ते कार्यालयात गेले. ते आत जाताच दुचाकीवर आलेल्या दोन अज्ञातांनी त्यांच्या गाडीवर गोळी झाडली. गोळीबार झाल्याने घारे धावत बाहेर आले. तोपर्यंत दोघे पसार झाले होते..वारजे माळवाडी पोलिसांनी विशेष पथक स्थापन करून या घटनेचा तपास सुरू केला होता. पोलिसांनी पाच दिवस केलेल्या तपासानंतर सचिन गोळे, शुभम खेमणार व अजय सकपाळ या तिघांना अटक केली. तपासात गोळीबाराचा बनाव रचला गेल्याचे समोर आले. घारे यांनी त्यांना पिस्तूल परवाना मिळावा व पोलिस संरक्षण मिळावे, यासाठी हा बनाव रचला गेल्याचे निष्पन्न झाले..पिस्तूल परवान्याचा अर्ज रद्द -घारे यांनी पिस्तूल परवाना मिळावा, यासाठी अर्ज दाखल केला होता. परंतु, तो प्रथम अहवालात रद्द करण्यात आला होता. त्यानंतर गोळीबाराचे प्रकरण घडविण्यात आले आहे. त्यामुळे पिस्तूल मिळविण्यासाठी गोळीबाराचा बनाव रचल्याचे सांगितले जात आहे. त्यांना जिल्हाध्यक्ष असल्याने पोलिस संरक्षणही मिळावे, अशीही मागणी होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
