Chandrashekhar Bhave Stock Market Silent Hero Know His Journey Investment Strategy and Impact on Indian Share Market
sakal
-निरंजन दांडेकर, आर्थिक अभ्यासक
आज मोबाइलच्या स्क्रीनवर अवघ्या काही सेकंदांत शेअरची खरेदी-विक्री आणि सुरक्षित साठवणूक करणे सहजशक्य झाले आहे. कागदी स्वरुपातील शेअर ते आज डी-मॅट स्वरुपातील शेअर हा क्रांतीकारी बदल घडवला तो चंद्रशेखर भास्कर भावे (सी. बी. भावे) यांनी. आता ते वयाच्या ७६ व्या वर्षात पदार्पण करत आहेत. १९९०च्या दशकातील कागदी शेअर प्रमाणपत्रांचा गोंधळ, बनावट कागदपत्रे आणि सट्टा-बदला व्यवहारांचे जाळे मोडून काढणारा हा द्रष्टा प्रशासक म्हणजे भारतीय शेअर बाजाराचा खरा ‘सायलेंट हिरो’ आहे.
