हवाई प्रवास होणार महाग? एअरलाइन्स आर्थिक संकटात; ICRA चा मोठा इशारा, प्रवाशांना बसू शकतो फटका

या आर्थिक वर्षात भारताच्या विमान वाहतूक क्षेत्राला आणखी मोठ्या तोट्याला सामोरे जावे लागू शकते. रेटिंग एजन्सी आयसीआरएने (ICRA) आर्थिक वर्ष २०२६-२७ (FY27) साठी भारतीय विमान कंपन्यांच्या निव्वळ तोट्याचा अंदाज ३६,००० ते ३८,००० कोटी रुपयांपर्यंत वाढवला आहे. एजन्सीने म्हटले आहे की, रुपयाचे अवमूल्यन, विमान इंधनाच्या वाढलेल्या किमती, विमान भाड्याने घेण्याचा वाढता खर्च आणि पश्चिम आशियातील सध्याच्या तणावामुळे प्रवासी मागणीत झालेली घट यामुळे विमान कंपन्यांवरील दबाव वाढेल.