India Export: भारताच्या निर्यातीत 30 टक्क्यांची मोठी झेप; ऑक्टोबरमध्ये 8.47 लाख कोटींची निर्यात, व्यापार तुटीतही घट

India Export News: भारताच्या निर्यात क्षेत्रासाठी ऑक्टोबर 2026 हा महत्त्वाचा महिना ठरला आहे. वस्तू आणि सेवा क्षेत्रातील देशाची एकूण निर्यात जवळपास 30 टक्क्यांनी वाढून 8.47 लाख कोटी रुपये (89.99 अब्ज डॉलर) झाली आहे. मागील वर्षी ऑक्टोबरमध्ये हा आकडा 6.52 लाख कोटी रुपये (69.27 अब्ज डॉलर) होता. केंद्रीय वाणिज्य आणि उद्योग मंत्रालयाने शुक्रवारी सादर केलेल्या आकडेवारीतून ही माहिती समोर आली आहे. विशेष म्हणजे वस्तूंच्या निर्यातीत झालेली मोठी वाढ या कामगिरीमागील प्रमुख कारण ठरली आहे.