अर्थबोध : महाझटका‘ एमएससीआय रिबॅलन्सिंग’चा

गौरव बोरा, शेअर बाजार विश्‍लेषक

भारतीय शेअर बाजारात २९ मे रोजी दिवसभर सर्व काही सुरळीत सुरू असताना शेवटच्या ३० मिनिटांत अचानक आलेल्या विक्रीच्या वादळाने संपूर्ण बाजाराला हादरवून सोडले. ग्लोबल इंडेक्स ‘एमएससीआय’च्या (मॉर्गन स्टॅनली कॅपिटल इंटरनॅशनल) तिमाही रिबॅलन्सिंगच्या अंमलबजावणीमुळे बाजारात ही अनपेक्षित घसरण झाली. शेवटच्या अर्ध्या तासात झालेल्या प्रचंड विक्रीमुळे ‘सेन्सेक्स’ तब्बल १,०९२ अंशांनी घसरून ७४,७७५ अंशांवर, तर ‘निफ्टी’ ३५९ अंशांनी घसरून २३,५४७ अंशांवर बंद झाला.