EPFO चा मोठा निर्णय! Covid Advance सुविधा बंद! खाते गोठवण्यावरही कारवाई

Covid Advance Facility

कर्मचारी भविष्य निर्वाह निधी संघटनेने एक विशेष सुविधा मागे घेतली आहे ज्यामुळे त्याच्या सदस्यांना त्यांच्या सेवानिवृत्तीच्या बचतीचा काही भाग कोविड अॅडव्हान्स म्हणून काढता आला होता. कर्मचारी भविष्य निर्वाह निधी संघटनेने Covid Advance Facility बंद केली आहे. याशिवाय, EPFO ​​ने खाते फ्रीज आणि डी-फ्रीझ करण्यासाठी स्टँडर्ड ऑपरेटिंग प्रोसिजर (SOP) जारी केले आहे.

2020 मध्ये कोरोनाकाळात EPFO ने सदस्यांना EPF खात्यातून आगाऊ रक्कम (Covid Advance Facility) काढण्यासाठी सुविधा दिली होती. दरम्यान इकॉनॉमिक टाईम्सच्या वृत्तानुसार ही सुविधा आता बंद करण्यात आली आहे.

आतापर्यंत याबाबत अधिकृत अधिसूचना जारी करण्यात आली नाही. मात्र सॉफ्टवेअरमधून नॉन-रिफंडेबल कोविड अॅडव्हान्सची सुविधा काढण्यासाठी प्रयत्न सुरु आहे. (Latest Marathi News)

EPFO ​​ने खाते फ्रीज आणि डी-फ्रीझ करण्यासाठी एसओपी जारी केला आहे.या अंतर्गत, गोठवलेल्या खात्याच्या पडताळणीची मुदत 30 दिवसांपर्यंत मर्यादित करण्यात आली आहे. ही मुदत 14 दिवसांपर्यंत वाढवण्याचा पर्याय देखील आहे. त्यामुळे या कालावधीत खात्याची पडताळणी करणे आवश्यक आहे.