Axis Bank Share :ऍक्सिस बँकेचे शेअर्स 1250 रुपयांपर्यंत जाण्याचा तज्ज्ञांना विश्वास...

Axis Bank : खासगी क्षेत्रातील ॲक्सिस बँकेत (Axis Bank) सध्या करेक्शन सुरू आहे. शुक्रवारी सुरुवातीच्या सत्रात शेअर 1 टक्क्यांहून अधिक घसरला. या करेक्शन दरम्यान, ऍक्सिस बँकेच्या शेअर्समध्ये खरेदीची चांगली संधी आहे.

ब्रोकरेज फर्म नोमुरा ॲक्सिस बँकेबाबत बुलिश आहे आणि त्यांनी 17-18 टक्के अपसाइडसाठी शेअर्स खरेदी करण्याचा सल्ला दिला आहे. जर मागच्या वर्षाच्या कामगिरीवर नजर टाकली तर, या स्टॉकमध्ये सुमारे 28 टक्के वाढ दिसून आली आहे.

नोमुराने ॲक्सिस बँकेवर बाय रेटींगसह 1250 रुपये टारगेट निश्चित केले आहे. सध्य हा शेअर 1058 रुपयांवर ट्रेड करत आहे. म्हणजेच ध्याच्या किंमतीपेक्षा स्टॉक सुमारे 17 टक्क्यांनी वाढू शकतो.

गेल्या 5 दिवसात या शेअरमध्ये 6 टक्क्यांहून अधिक करेक्शन झाले आहे. स्टॉकचा 52 आठवड्यांचा उच्चांक 1,151.50 रुपये आणि निचांक 814.25 रुपये आहे. बीएसईवरील स्टॉकचे मार्केट कॅप 3.21 लाख कोटीपेक्षा जास्त आहे.

ॲक्सिस बँकेचे शेअर्स गेल्या वर्षभरात सुमारे 27 टक्क्यांनी वाढले आहेत. तर 2 वर्षांत शेअरने गुंतवणूकदारांना सुमारे 50 टक्के परतावा दिला आहे. लाँग टर्ममध्ये हा शेअर दमदार परतावा देऊ शकतो असे तज्ज्ञांचे म्हणणे आहे. त्यामुळे शेअर बाजाराच्या घसरणीच्या काळात या शेअरमध्ये गुंतवणूक करण्याचा सल्ला तज्ज्ञ देत आहेत.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.