Gold Rate Today: सप्टेंबरअखेर सोनं 11 हजारांनी स्वस्त! खरेदीदारांना दिलासा; मुंबई-पुण्यासह महाराष्ट्रात भाव किती?

भारतीयांसाठी सोनं ही केवळ एक गुंतवणूक नसून परंपरेचा एक भाग आहे. त्यामुळे सोन्याच्या भावातील बदल खरेदीचा निर्णय घेताना महत्त्वाचा ठरतो. यातच आता सप्टेंबर महिन्याच्या अखेरीस सोनं स्वस्त होऊ लागल्याने ग्राहकांना काहीसा दिलासा मिळाला आहे. गेल्या आठवड्यात सोनं तब्बल 3,400 रुपयांनी स्वस्त झालं असून, महिनाभरात सोन्याच्या दरात 11 हजार रुपयांची घसरण झाली आहे.