l & t - Bajaj partnership : ‘एल अँड टी फायनान्स’ची ‘बजाज मार्केट्स’शी भागीदारी

मुंबई : गृहकर्ज आणि मालमत्तेवर आधारित कर्जपुरवठ्यासाठी बिगर बँकिंग वित्तीय कंपनी ‘एल अँड टी फायनान्स होल्डिंग्ज’ आणि वित्तीय कंपनी ‘बजाज मार्केट्स’ यांनी धोरणात्मक भागीदारी केली आहे. या भागीदारीतून दोन्ही कंपन्या आपल्या डिजिटल प्लॅटफॉर्मवरुन विविध प्रकारच्या कर्जांचा पुरवठा करणार आहेत. यात वैयक्तिक कर्जासह दुचाकी कर्जाचाही समावेश आहे.

‘एल अँड टी फायनान्स होल्डिंग्ज’च्या शहरी वित्तपुरवठा विभागाचे मुख्य कार्यकारी अधिकारी संजय गरयाली म्हणाले, ‘‘बजाज मार्केट्ससोबतच्या भागीदारीमुळे आम्ही गृहकर्ज सेवा व्यापक करू शकणार आहोत;

तसेच दोन्ही कंपन्यांचे सामूहिक कौशल्य आणखी उंचावणार आहे.’’ या भागीदारीमुळे ग्राहकांना आता ‘बजाज मार्केट्स’कडे कर्ज, क्रेडिट कार्ड, विमा व गुंतवणुकीचे पर्याय अशा सेवा उपलब्ध होतील; तसेच कर्जदार कर्जपरतफेडीची मुदत २५ वर्षापर्यंत वाढवू शकतील. वार्षिक ८.६० टक्क्यांपासून सुरू होणाऱ्या स्पर्धात्मक व्याजदराचाही लाभ होईल.