Piyush Goyal : स्टार्टअपसाठी पुणे पसंतीचे

पुणे : केंद्रीय वाणिज्यमंत्री पीयूष गोयल यांनी पूर्वचित्रित चित्रफितीद्वारे संदेश दिला. त्यात त्यांनी म्हटले आहे की, ‘माहिती व तंत्रज्ञान आणि उद्योजकतेच्या संस्कृतीमुळे पुणे स्टार्टअपसाठी पसंतीचे शहर बनले आहे.

करोना काळात पुण्यात विकसित स्वदेशी लशीने जगभरात असंख्य जीव वाचविले. देशाच्या स्वातंत्र्याच्या शंभराव्या वर्षात पुणे शहर नव्या उंचीवर असेल असा विश्वास वाटतो. पुण्याला समृद्ध सांस्कृतिक वारसा असून हे शहर शिक्षण आणि नवकल्पना एकजीव झालेले केंद्र आहे. मजबूत पुरवठा साखळीच्या परिसंस्थेमुळे प्रमुख उत्पादन केंद्र असलेले पुणे आता तंत्रज्ञान क्षेत्रात जगात आघाडीवर आहे.’