Rupee vs US Dollar : डॉलरच्या तुलनेत रुपया ८३.३१ वर स्थिर

मुंबई : अमेरिकी डॉलरच्या तुलनेत रुपया आज स्थिर राहीला. शुक्रवारी रुपया डॉलरच्या तुलनेत आठ पैशांनी वधारून ८३.३१ वर स्थिरावला होता. आज दिवसअखेरही तो ८३.३१ वरच बंद झाला. आंतरबँक परकी चलनबाजारात, रुपया ग्रीनबॅकच्या तुलनेत ८३.२७ वर उघडला.

दिवसभरात त्याने ८३.२३ चा उच्चांक आणि ८३.३३ ची नीचांकी पातळी गाठली. कच्च्या तेलाच्या किमती कमी झाल्याने गुंतवणूकदारांना खरेदीला प्रोत्साहन मिळाले, परंतु परदेशी बाजारपेठेत अमेरिकी डॉलर मजबूत झाल्याने रुपयातील वाढ रोखली गेली, असे परदेशी चलनविनिमय व्यापाऱ्यांनी सांगितले.

रुपया थोडासा सकारात्मक पूर्वग्रहाने व्यवहार करण्याची शक्यता असून, देशांतर्गत बाजारपेठेतील वाढ आणि परदेशी निधीचा ओघ यामुळे रुपयाला आधार मिळेल. रुपया आगामी काळात ८३.१० ते ८३.५० च्या श्रेणीत व्यापार करण्याची अपेक्षा आहे, असे विश्लेषक अनुज चौधरी यांनी सांगितले.