Inflation : महागाईपासून जनतेला किंचित दिलासा
नवी दिल्ली : देशातील किरकोळ महागाईचा दर एप्रिलमध्ये ११ महिन्यांच्या नीचांकी पातळीवर पोहोचला आहे. मार्चमधील ४.८५ टक्क्यांवरून तो ४.८३ टक्क्यांवर आला आहे. राष्ट्रीय सांख्यिकी कार्यालयाने आज ही आकडेवारी जाहीर केली. किरकोळ महागाई दर रिझर्व्ह बँकेच्या दोन ते सहा टक्क्यांच्या मर्यादित पट्ट्यात राहिला आहे.
या आकडेवारीनुसार, अन्नधान्याची महागाई एप्रिलमध्ये ८.७ टक्क्यांनी वाढली असून, मार्चमध्ये ती ८.५२ टक्के होती. भाजीपाला महागाईचा दर मार्चमधील २८.३० टक्क्यांवरून २७.८० टक्क्यांपर्यंत कमी झाला आहे, तर डाळी आणि कडधान्यांच्या महागाईचा दर अनुक्रमे ८.६३ टक्के आणि १६.८४ टक्के नोंदवला गेला आहे.
इंधन आणि विजेचा महागाई दर एप्रिलमध्ये उणे ४.२४ टक्के झाला आहे. पाच प्रमुख श्रेणींमध्ये कपडे आणि पादत्राणे, गृहनिर्माण, इंधन आणि वीज या तीन श्रेणीतील वार्षिक महागाई गेल्या महिन्यापासून कमी झाली आहे. कपडे आणि पादत्राणे आणि गृहनिर्माण क्षेत्रासाठी महागाई दर अनुक्रमे २.८५ टक्के आणि २.६८ टक्के होता, असे सांख्यिकी विभागाच्या अहवालात म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.