SIP Investment: एसआयपी बंद करण्याचा विचार मनातून काढून टाका; कारण..

SIP Investment Tips: भारतीय शेअर बाजारात 26 सप्टेंबर 2024 पासून जी घसरण सुरू झाली आहे ती आजपर्यंत कायम आहे. गेल्या वर्षी शेअर बाजाराने उच्चांक गाठला होता पण घसरणीमुळे शेअर बाजार परत खाली आला. त्यात भर पडली डोनाल्ड ड्रम्प यांच्या टॅरिफ वॉरची. .अमेरिकेचे राष्ट्राध्यक्ष डोनाल्ड ट्रम्प यांनी चीन वगळता सर्व देशांसाठी जाहीर केलेल्या टॅरिफला 90 दिवसांची स्थगिती दिली आहे. मात्र ट्रम्प यांनी चीनवर अतिरिक्त कर लादण्याची घोषणा केली आहे, जो पूर्वी 104% होता तो आता 125% पर्यंत वाढवला आहे..आता चीनवर एकूण 145 टक्के कर लावण्यात आला आहे. त्यामुळे अमेरिका-चीन ट्रेड वॉर सुरु झाले आहे. डोनाल्ड ट्रम्प यांच्या बदलणाऱ्या निर्णयांमुळे शेअर बाजार कधी वर जातो तर कधी खाली जातो. यामुळे गुंतवणूकदारांचे मोठे नुकसान होत आहे..MF Investment: शेअर बाजार कोसळला! गुंतवणूकदारांमध्ये चिंता; मार्चमध्ये 51 लाख एसआयपी खाती बंद .ज्या गुंतवणूकदारांनी एसआयपीद्वारे (SIP) म्युच्युअल फंडात गुंतवणूक केली होती त्यांनाही मोठे नुकसान झाले आहे. यामुळे अनेक गुंतवणूकदारांनी त्यांची एसआयपी बंद करण्याचा विचार करायला सुरुवात केली आहे. जर तुम्हीही SIP बंद करण्याचा विचार करत असाल तर तो मनातून काढून टाका..कारण बाजारातील मंदीच्या काळात एसआयपी थांबवल्याने दीर्घकाळात मोठे नुकसान होऊ शकते. तसेच बाजारात सतत घसरण होत असताना नवीन गुंतवणूकदार त्यांच्या एसआयपीबद्दल गोंधळलेले असतात.अशा परिस्थितीत बाजारातील घसरणीदरम्यान तुम्ही तुमची गुंतवणूक सुरू ठेवता तेव्हाच तुम्हाला जास्त फायदा होतो. जर तुम्ही बाजारातील घसरणीदरम्यान तुमची एसआयपी थांबवली तर तुम्ही दीर्घकाळात चांगले रिटर्न्स मिळविण्याची संधी गमावता..आज कोणत्याही फिनटेक प्लॅटफॉर्मवर खाते उघडणे आणि गुंतवणूक सुरू करणे खूप सोपे झाले आहे. परंतु, या गुंतवणुकीला योग्य चौकट नाही. याचा अर्थ गुंतवणूकदाराला त्याची जोखीम घेण्याची क्षमता काय आहे हे नीट समजत नाही..बहुतेक गुंतवणूकदार कोणतेही ध्येय न ठेवता गुंतवणूक सुरू करतात. या अशा गोष्टी आहेत ज्याकडे लक्ष देण्याची गरज आहे. जर गुंतवणूकदारांना, विशेषतः नवीन गुंतवणूकदारांना याबद्दल जागरूक केले तर त्यांना दीर्घकाळात मोठा फंड निर्माण करणे सोपे होईल..State Bank of India: कॅप्टन कूलचं SBIशी काय आहे कनेक्शन? बँक धोनीला का देत आहे 6,00,00,000 रुपये?.शेअर बाजारातील तात्पुरत्या घसरणीमुळे घाबरून गुंतवणूक थांबवणं ही दीर्घकालीन दृष्टिकोनातून मोठी चूक ठरू शकते. SIP ही दीर्घकाळात संपत्ती निर्माण करण्याचा एक शिस्तबद्ध मार्ग आहे. म्हणूनच बाजारात मंदी असो की तेजी, गुंतवणूक सुरु ठेवणं हेच शहाणपणाचं ठरतं..गुंतवणुकीच्या प्रवासात यश हवे असल्यास केवळ पैसे गुंतवणे पुरेसे नाही, तर त्यामागे योग्य नियोजन, उद्दिष्टं आणि संयमही तितकाच महत्त्वाचा आहे. म्हणून घाई करू नका, गुंतवणुक सुरु ठेवा.(विनायक भोईटे हे Risen & Shine या संपत्ती व्यवस्थापन कंपनीचे संस्थापक आहेत. संपर्क- 98907 11711).नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SIP Investment: एसआयपी बंद करण्याचा विचार मनातून काढून टाका; कारण..

Related Stories