UPI facility : नेपाळमध्ये ‘फोन-पे’तर्फे ‘यूपीआय’ सुविधा दाखल

काठमांडू : भारतातील युनिफाइड पेमेंट्स इंटरफेस (यूपीआय) सुविधा आता नेपाळमध्येही सुरू झाली आहे. ‘फोन-पे’च्या वतीने काठमांडू येथे एका कार्यक्रमात ‘यूपीआय’ सेवा दाखल करण्यात आली.

या वेळी बँकिंग क्षेत्रातील वरिष्ठ प्रतिनिधी, ‘फोन-पे’चे अधिकारी, व्यापारी, व्यावसायिक संघटनांचे प्रतिनिधी उपस्थित होते. ‘

फोन-पे’चे आंतरराष्ट्रीय पेमेंट्सचे मुख्य कार्यकारी अधिकारी रितेश पै म्हणाले, ‘‘नेपाळमध्ये ‘एनपीसीआय इंटरनॅशनल’च्या भागीदारीत ‘यूपीआय’ सुविधा सुरू होत आहे. यामुळे नेपाळमध्ये सुरळीत डिजिटल व्यवहारांना चालना मिळेल.

याचा व्यापारी आणि व्यवसायांना फायदा होईल. आर्थिक वाढ, आर्थिक समावेशनालाही चालना मिळेल.’’