Retirement Financial Planning
esakal
दीपाली किणीकर - kinikardeepali@gmail.com
आ जच्या वेगवान आणि ‘एआय’च्या बदलत्या युगात प्रत्येक जण अधिक चांगली कमाई करण्याचा, कुटुंबाला सर्व सुविधा देण्याचा आणि आरामदायी जीवन जगण्याचा प्रयत्न करत आहे. आधुनिक सोयीसुविधा, डिजिटल साधने, चांगले शिक्षण आणि आरोग्यसेवा यामुळे आपल्या जीवनशैलीत मोठे बदल झाले आहेत. परंतु, निवृत्तीनंतरही आपण हीच जीवनशैली टिकवू शकू का? हा प्रश्न नेहमीच सतावतो.
ज अनेक जण कमाई करत असताना उत्तम जीवन जगतात. परंतु, निवृत्तीचा आर्थिक विचार मात्र पुढे ढकलतात. परिणामी, आपण निवृत्त होण्यापूर्वीच आपली जीवनशैली ‘रिटायर’ होण्याची वेळ येऊ शकते. म्हणजेच, उत्पन्न कमी झाल्यानंतर खर्च भागवणे कठीण होते आणि आपल्या सवयी, छंद आणि अपेक्षा पर्यायाने कमी कराव्या लागतात.
आजच्या काळात जीवनशैली मोठ्या प्रमाणात बदलली आहे. पूर्वीच्या काळात साधे जीवन आणि मर्यादित खर्च ही सामान्य गोष्ट होती. मात्र, आज शिक्षण, आरोग्य, घर, प्रवास आणि मनोरंजन यावर मोठ्या प्रमाणात खर्च केला जातो. राहणीमान सुधारले असले, तरी त्यासाठी लागणारा खर्चही वाढला आहे. त्यामुळे निवृत्तीनंतरही ही जीवनशैली टिकवण्यासाठी आर्थिक तयारी असणे अत्यावश्यक आहे.