सबस्क्राईब करा
नवी दिल्ली- गुरुवारी शेअर मार्कट चढ-उतारानंतर हिरव्या रंगात बंद झाला आहे. गुरुवारी बीएसई सेन्सेक्स 676.69 (0.92%) अंकांनी वाढून 73,663.72 अंकावर बंद झाला. तर, एनएसई निफ्टी 203.30 (0.92%) अंकांनी वाढून 22,403.85 वर पोहोचला आहे. शेअर मार्केटमध्ये अनेक शेअर्स हिरव्या रंगामध्ये बंद झाले. गुरुवारी एमएंडएमचे शेअर्स ३ टक्क्यांच्या वाढीसह बंद झाले,तर इंफोसिसचे शेअर्स २ टक्क्यांनी वाढले.
गुरुवारी जवळपास 1 टक्क्यांच्या वाढीसह शेअर मार्केट बंद झाला असं म्हणता येईल. जागतिक पातळीवर असलेल्या सकारात्मक संकेताच्या जोरावर काही अंशी ही वाढ पाहायला मिळाली. जपानच्या Nikkei ने 1.37 टक्क्यांची वाढ नोंदवली, तर कोरियाच्या KOSPI ने 0.82 टक्क्यांची वाढ नोंदवली. दुसरीकडे, युरोपातील शेअर मार्केटमध्ये अर्ध्या टक्क्यांनी पडझड पाहायला मिळाली. पण, त्याचा फारसा परिणाम भारतीय शेअर मार्केटवर झाला नाही.
सेन्सेक्स 351 अंकाच्या वाढीसह सुरु झाला. बुधवारी सेन्सेक्स 72,987.03 वर बंद झाला होता. पण, सुरुवातीची वाढ जास्त काळ टिकली नाही. सेन्सेक्समध्ये 457 अंकांनी घसरण झाली. सेन्सेक्स 72,529.97 पर्यंत खाली गेला होता. पण, शेवटच्या टप्प्यात पुन्हा वाढ झाली. सेन्सेक्स 677 अंकांनी वाढला आणि 73,663.72 वर बंद झाला. म्हणजे सेन्सेक्सने 0.93 टक्क्यांची वाढ नोंदवली.
निफ्टी-50 22,319.20 अकांनी सुरु झाला. बुधवारी तो 22,200.55 वर बंद झाला होता. दिवसभरात निफ्टीने 22,432.25 पर्यंत कमाल पातळी आणि 22,054.55 पर्यंत किमान पातळी नोंदवली. त्यानंतर 203 अंकांनी वाढ नोंदवत 22,403.85 वर तो बंद झाला. म्हणजे निफ्टीने 0.92 टक्क्यांची वाढ नोंदवली. मिड आणि स्मॉल इंडेक्सने चांगली कामगिरी केली. BSE मिडकॅप इंडेक्स 1.07 टक्क्यांनी वाढला, तर स्मॉलकॅप इंडेक्स 0.85 अंकांनी वाढला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.