.jpg?w=480&auto=format%2Ccompress&fit=max)
रामा स्टील ट्यूब्स लिमिटेडमधील हिस्सेदारी विदेशी संस्थात्मक गुंतवणूकदारांनी (FII) विकत घेतली आहे. एनएसईवर उपलब्ध मोठ्या प्रमाणात डील डेटानुसार, एबिसु ग्लोबल ऑपर्च्युनिटीज फंड लिमिटेड आणि मिनर्वा वेंचर्स फंडने रामा स्टील ट्यूब्समध्ये गुंतवणूक केली आहे.
या कंपनीने आपल्या गुंतवणूकदारांना लाँग टर्ममध्ये उत्कृष्ट परतावा दिला आहे. नुकतेच कंपनीच्या शेअर्समध्ये 3.27 टक्क्यांची वाढ दिसून आली आणि शेअर 10.43 रुपयांवर बंद झाला. कंपनीचे मार्केट कॅप 1,557.27 कोटी आहे.
बल्क डील डेटानुसार, एबिसू ग्लोबल अपॉर्च्युनिटीज फंडाने रामा स्टीलचे 3 कोटी शेअर्स सरासरी 10 रुपये किमतीत खरेदी केले आहेत. दुसरीकडे, मिनर्व्हा व्हेंचर्स फंडाने कंपनीचे 1.50 कोटी शेअर्स त्याच किमतीत खरेदी केले आहेत.
अलीकडेच कंपनीच्या बोर्डाने पूर्ण मालकीची उपकंपनी रामा डिफेन्स प्रायव्हेट लिमिटेडच्या इनकॉर्पोरेशनला मान्यता दिली आहे.
यासह कंपनीने संरक्षण क्षेत्रात प्रवेश केला आहे. याआधी रामा स्टीलने घोषणा केली होती की ती त्याच्या पूर्ण मालकीची उपकंपनी लेपाक्षी ट्यूब्स प्रायव्हेट लिमिटेडच्या माध्यमातून आंध्र प्रदेशातील अनंतपूर इथे उत्पादन क्षमता वाढवून मजबूत देशांतर्गत पोलाद मागणीचा लाभ घेण्यासाठी सुस्थितीत आहे.
रिअल इस्टेट, पायाभूत सुविधा आणि ऑटोमोबाईल यांसारख्या प्रमुख पोलाद वापरणाऱ्या क्षेत्रांतून मजबूत देशांतर्गत स्टील मागणीचा फायदा घेण्यासाठी कंपनी तयारी करत आहे. देशांतर्गत मागणी वाढल्याने आणि साहित्याच्या किमती कमी झाल्यामुळे उद्योगाला चालना मिळण्याची अपेक्षा आहे.
गेल्या 4 वर्षांत, रामा स्टील ट्यूब्स लिमिटेडच्या शेअर्समध्ये 1865 टक्क्यांची नेत्रदीपक वाढ झाली आहे. भारतातील स्टील ट्यूब्स आणि पाईप्स आणि जी.आय पाईप्सच्या क्षेत्रातील अग्रगण्य कंपन्यांपैकी एक आहे आणि तिच्याकडे जवळपास पाच दशकांचा अनुभव आहे. कंपनीची स्थापना 1974 मध्ये एच.एल. बन्सल यांच्या हस्ते करण्यात आले. रामा हे भारतातील स्टील ट्यूब आणि पाईप्सच्या बाजारपेठेतील सर्वात विश्वासार्ह आणि स्थापित नावांपैकी एक आहे आणि जागतिक स्तरावर वेगाने ओळख मिळवत आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
