Muhurat Trading 2026: लक्ष्मीपूजनाच्या दिवशी शेअर बाजाराची सुट्टी असतानाही बाजार का उघडतो? काय आहे मुहूर्त ट्रेडिंगची परंपरा?

Why does the Indian stock market open on Diwali: दिवाळी म्हटलं की शेअर बाजाराला सुट्टी असते. मात्र, या दिवशीही बाजार काही वेळासाठी उघडतो आणि गुंतवणूकदार शेअर्सची खरेदी-विक्री करतात. या खास सत्राला 'मुहूर्त ट्रेडिंग' म्हणतात. दिवाळीतील लक्ष्मीपूजनाच्या शुभ मुहूर्तावर गुंतवणुकीची नवी सुरुवात व्हावी आणि येणारं वर्ष आर्थिकदृष्ट्या चांगलं जावं, अशी अनेक गुंतवणूकदारांची भावना असते. त्यामुळे मुहूर्त ट्रेडिंग ही केवळ शेअर्सच्या खरेदी-विक्रीपुरती मर्यादित नसून त्याला धार्मिक आणि पारंपरिक महत्त्वही आहे.