Share Market : शेअर बाजाराचा ‘जीव’ ट्रक इंडस्ट्री!

शेअर बाजाराचा ‘जीव’ ट्रक इंडस्ट्री आहे, असे म्हटले आहे, कारण शेअर बाजारात नोंदलेल्या कंपन्यांच्या ६० ते ७० टक्के मालाची वाहतूक ट्रकने होत असते. एखाद्या देशाची भरभराट ही त्या देशाच्या रस्त्यांवर पळणाऱ्या ट्रकच्या प्रमाणावरून जाणून घेता येते.

ट्रकचे उत्पादन करणाऱ्या काही कंपन्याचा आपण गुंतवणुकीच्या दृष्टीने अभ्यास करणार आहोत. शेअर बाजारात गुंतवणूक करणाऱ्या लोकांना त्यांच्या आजूबाजूच्या वस्तूंमध्येदेखील शेअर बाजारातील कंपन्याच दिसत असतात.

उदा. चहाच्या टेबलावर चहाची कंपनी (टाटा टी, हिंदुस्थान लिव्हर), बिस्किटे (ब्रिटानिया) यांकडेच त्यांचे लक्ष जाते. रस्त्यावरील दुचाकींमध्ये बजाज, टीव्हीएस, हिरो, होंडा अशा कंपन्याच दिसतात.

ट्रक उद्योगाची ताकद

देशभरात विविध प्रकारच्या मालाची वाहतूक रेल्वे, ट्रक आणि विमानाद्वारे होत असते. रेल्वेने वाहतूक होत असली, तरी ट्रकची मदत लागतेच. देशात २०२२ मध्ये जवळपास तीन लाख २७ हजार अवजड वजनाच्या ट्रकचे उत्पादन झाले होते. देशातील ट्रकची बाजारपेठ २०२२ मध्ये २००४ कोटी डॉलरची होती. पुढील सहा वर्षांत, २०२८ पर्यंत ते ३६३५ कोटी डॉलरपर्यंत वाढण्याची शक्यता आहे.

देशातील उद्योगक्षेत्राच्या सुधारणेमध्ये ट्रक उद्योग मोठा हातभार लावत आहे. प्रत्येक मालाच्या वाहतुकीसाठी ट्रकची गरज असते. त्यामुळे ट्रक व्यवसायाला पर्याय नाही. पर्यायाने, चांगल्या ट्रक उत्पादक कंपन्यांमध्ये गुंतवणूक करणे फायद्याचे ठरू शकते.

ट्रक उत्पादक कंपन्या

• टाटा मोटर्स

• अशोक लेलॅंड

• आयशर

• महिंद्र अँड महिंद्र

• एसेमेल इसूझू

• डॅमलर बेंझ

• हिरो मोटर्स

• भारत बेंझ

• स्कॅनिया

मालवाहतूक कंपन्या

• व्हीआरएल लॉजिस्टिक्स

• टीसीआय

• कंटेनर कॉर्पोरेशन ऑफ इंडिया

• सिकल लॉजिस्टिक्स