Share Market : 72 कोटींच्या ऑर्डरमुळे 'या' शेअरमध्ये दिसतेय मजबूत तेजी; तुमच्या पोर्टफोलिओमध्ये आहे का?

या शेअरने आपल्या गुंतवणूकदारांना कमी काळात दमदार परतावा दिला आहे.
Share Market
Share MarketeSakal

शेअर बाजारात मजबूत पोर्टफोलिओ असलेले शेअर्स तुम्हाला मालामाल करु शकतात. पण योग्य शेअर्समध्ये गुंतवणूक न केल्यास मोठ्या नुकसानीला सामोरे जावे लागू शकते. असेच दर्जेदार शेअर्स शोधण्यासाठी आम्ही तुमची मदत करत असतो. आज आम्ही तुमच्यासाठी वेदवाग सिस्टम्सचा (Vedavaag Systems) शेअर घेऊन आलो आहोत.

या शेअरने आपल्या गुंतवणूकदारांना शॉर्ट टर्ममध्ये दमदार परतावा दिला आहे. नुकतीच कंपनीला कोट्यवधी रुपयांची मोठी ऑर्डरही मिळाली आहे. त्यामुळेच वेदवाग सिस्टम्सच्या शेअर्समध्ये शुक्रवारी 8 टक्क्यांची मजबूत तेजी दिसून आली आणि तो 55.01 रुपयांवर बंद झाला. कंपनीचे मार्केट कॅप 126.11 कोटी रुपये झाले आहे. (Share Market News)

Share Market
World's Largest Banks: HDFC बँक बनली जगातील 7वी सर्वात मोठी बँक

वेदवाग सिस्टम्सला तब्बल 72 कोटी रुपयांची ऑर्डर मिळाली आहे. कंपनीला नवी दिल्लीच्या IRIS ग्लोबल सर्व्हिसेस प्रायव्हेट लिमिटेडकडून ही ऑर्डर मिळाली आहे. या आदेशानुसार कंपनी आयपी बेस्ड व्हिडिओ सर्व्हिलंस सिस्टमचे (VSS) SITCM लागू करेल. या ऑर्डरमध्ये रेल्वेच्या पश्चिम विभागांतर्गत 1002 रेल्वे स्थानकांचा समावेश असेल.

या प्रकल्पामध्ये पश्चिम विभागातील डी अँड ई कॅटेगरीमधील रेल्वे स्थानकांवर सप्लाय, इंस्टॉलेशन, टेस्टींग, कमिशनिंग, विद्यमान व्हीएसएस इन्फ्रासह इंटीग्रेशन, आयपी बेस्ड व्हिडिओ सर्व्हिलंस सिस्टमचे ऑपरेशन आणि मेंटेनन्स (SITCM) यांचा समावेश आहे. IRIS ग्लोबलला रेलटेल कॉर्पोरेशन ऑफ इंडियाकडून ही ऑर्डर मिळाली आहे.

Share Market
Multibagger Stock Updates: 7 वर्षात गुंतववणूकदार झाले कोट्यधीश, कोणता आहे 'हा' शेअर?

वेदवाग सिस्टीम्सच्या शेअर्समध्ये गेल्या दोन दिवसांत 27 टक्क्यांची मजबूत तेजी दिसून आली आहे. कंपनीच्या शेअर्सने गेल्या तीन वर्षांत तब्बल 170 टक्के परतावा दिला आहे. इतकेच नाही तर गेल्या जवळपास 10 वर्षांत कंपनीने आपल्या गुंतवणूकदारांना तब्बल 615 टक्के नफा दिला आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

Share Market
Multibagger Stocks Update: 28 हजारांत गुंतवणूकदार झाले कोट्यधीश, तुमच्याकडे आहे का 'हा' शेअर?

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com