सबस्क्राईब करा
ॲबॉट इंडिया (Abbott India ) या फार्मा क्षेत्रातील कंपनीने चौथ्या तिमाहीचे निकाल जाहीर केले आहेत. अशात कंपनीने गुंतवणूकदारांना मोठी भेट देत 410 रुपयांचा अंतिम लाभांश जाहीर केला आहे. कंपनीने चौथ्या तिमाहीत 287 कोटींचा नफा कमावला आहे, जो वार्षिक आधारावर मागील तिमाहीत 231 कोटींपेक्षा 56 कोटी अधिक आहे. त्याचबरोबर कंपनीचे उत्पन्नही 1343 कोटीवरून 1439 कोटीवर पोहोचले आहे.
स्टॉक एक्स्चेंज फायलिंगमध्ये, कंपनीने गुंतवणूकदारांसाठी 4100 टक्के बंपर लाभांशही जाहीर केला आहे. कंपनीने 10 रुपये फेस व्हॅल्यू असलेल्या शेअरसाठी 410 रुपयांचा अंतिम लाभांश जाहीर केला आहे. कंपनीची वार्षिक सर्वसाधारण सभा 8 ऑगस्ट 2024 रोजी होणार आहे, ज्यामध्ये लाभांश मंजूर केला जाऊ शकतो, त्यानंतर गुंतवणूकदारांना त्यांच्या खात्यात 13 ऑगस्ट 2024 रोजी लाभांशाची रक्कम मिळेल असे कंपनीने सांगितले.
ॲबॉट इंडियाचा स्टॉक नुकताच 1.12 टक्क्यांनी म्हणजे सुमारे 289 रुपयांनी घसरला आणि गुरुवारी 25,647 रुपयांवर बंद झाला. याने गुंतवणूकदारांना एका वर्षात सुमारे 20 टक्के आणि 6 महिन्यांत 8.19 टक्के परतावा दिला आहे. ॲबॉट इंडियाचा 52 आठवड्यांचा उच्चांक 29,638.95 रुपये आहे आणि 52 आठवड्यांचा नीचांक 20,605.05 रुपये आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.