भूषण ओक - भांडवली बाजाराचे अभ्यासक-विश्‍लेषक
गुजरातमधील भावनगर येथे १९६० मध्ये स्थापन झालेली स्टीलकास्ट ही कंपनी १९९४ पासून शेअर बाजारात नोंदणीकृत आहे. पोलादाच्या ओतीव (कास्टिंग) भागांची या कंपनीची उत्पादने उत्खनन, खाणकाम, बांधकाम, रेल्वे, सिमेंट, ऑटो आणि संरक्षण क्षेत्रांमध्ये काम करणाऱ्या यंत्रांसाठी उपयोगाला येतात. ही कंपनी पाच किलोपासून ते २५०० किलोपर्यंत ओतीव पोलादाच्या उत्पादनांची निर्मिती करते आणि ७५ टक्के उत्पादने मशिनिंग करून ग्राहकांना उपयोगासाठी अगदी तयार अशी पुरवली जातात. कंपनीची सध्याची उत्पादन क्षमता प्रतिवर्ष सुमारे २९,००० टन इतकी आहे.