डॉ. वीरेंद्र ताटके - गुंतवणूक विषयाचे अभ्यासक
जगप्रसिद्ध गुंतवणूकदार वॉरेन बफेट हे त्यांच्या गुंतवणुकीविषयीच्या तत्वज्ञानामुळे जेवढे प्रसिद्ध आहेत तेवढेच आयुष्याकडे पाहण्याच्या दृष्टिकोनामुळे प्रसिद्ध आहेत. ९४ वर्षीय बफेट यांची सध्याची जीवनशैली पाहिली आणि जीवनाविषयी विचार ऐकले, तर अचंबित व्हायला होते. जगभरातील श्रीमंतांच्या यादीत वर्षांनुवर्षे वरचा क्रमांक असलेला हा मनुष्य आजही साध्या राहणीमानाला प्राधान्य देतो. आयुष्यात प्रत्येकाने आनंदी राहण्याला प्राधान्य दिले पाहिजे आणि तो आनंद नक्की कशात आहे, हे आपले आपण शोधून काढले पाहिजे असे ते म्हणतात. स्वतःच्या आनंदी जीवनाचे रहस्य पुढील गोष्टींमध्ये दडले आहे, असे ते म्हणतात.