Satire on Political Alliances
sakal
स्थळ : अज्ञात. वेळ : वेषांतराची. पात्रे : घुश्शात.
नानासाहेब : (हळूवार आवाजात) ऐका ना भाईसाहेब!
भाईसाहेब : (एक ना दोन…) च्युइं..च्याँय…च्युम…चक!
नानासाहेब : (समजल्यासारखं) बरं बरं! समजलं!!
भाईसाहेब : (वैतागून खुलासा करत) मी काही बोललोच नाही, तर काय समजलं? मी च्युइंगम खातोय!
नानासाहेब : (चतुराईनं) तेच समजलं!!
भाईसाहेब : (घुश्शात) तुम्ही बोलू नका माझ्याशी! आता जे काही बोलणं होईल ते दिल्लीत!!
नानासाहेब : (समजूत घालत) अहो, असं रागावू नका, भाईसाहेब! आपली युती आहे, भांड्याला भांडं लागणारच!एकमेकांमध्ये मिटवून टाकावं!