सर्वंकष शासनव्यवस्था चालविणाऱ्या विस्तारवादी चीनच्या छायेमध्ये कोणत्याही देशासाठी स्वतःचे वेगळे अस्तित्व जपणे, ही सोपी गोष्ट नाही.
तिबेटींचे सर्वोच्च धर्मगुरू दलाई लामा येत्या रविवारी (ता. ६) वयाची नव्वद वर्षे पूर्ण करीत असून यानिमित्ताने त्यांच्या वारसदाराच्या निवडीचा मुद्दा ऐरणीवर आला आहे. लामांच्या वारसदाराचा मुद्दा येताच चीनने पुन्हा फणा काढला असून नव्या लामांची निवड चिनी कायद्याच्या चौकटीमध्येच पार पडायला हवी, असा ‘राग’ आळवला आहे.
