ढिंग टांग : आयपीएल आणि इलेक्शन..!

अमूबाळ : (सहज फोन फिरवत) हाय ब्रो, कसा आहेस?

आदूदादा : हाय देअर, यंग मॅन, हाऊ इज यु?

अमूबाळ : (मोकळेपणाने) मस्त! बाहेर आहेस की तूसुद्धा घरातच?

आदूदादा : (गोरेमोरे होत) तू सुद्धा घरातच म्हंजे? आणखी कोण घरात बसतं?

अमूबाळ : (निरागसपणाने) सगळेच घरात असतात ना? म्हणून विचारलं!!

आदूदादा : (हायसे वाटून) हां, हां! मला वाटलं की टोमणा मारतोयस!!

अमूबाळ : दिवसभर इलेक्शनचे निकाल आणि संध्याकाळी आयपीएलची मॅच…सारखं टीव्हीसमोर बसून डोकं दुखायला लागलंय!!

आदूदादा : (गंमतीदार खुलासा करत) म्हंजे दिवसभर तू चेन्नईची मॅच बघत होतास, मी बंगालची मॅच बघत होतो…