शैक्षणिक उत्कृष्टतेचा ध्यास

नरेंद्र मोदी, पंतप्रधानप्रा. शां. ब. मुजुमदार यांनी वयाची ९० वर्षे पूर्ण केल्याचे समजले आणि अत्यंत आनंद झाला. या आनंददायी प्रसंगी प्रा. मुजुमदार, त्यांचे कुटुंबीय आणि सिम्बायोसिस आंतरराष्ट्रीय विद्यापीठातील त्याचे विस्तारलेले कुटुंब यांना हार्दिक शुभेच्छा आणि अभिनंदन..एक प्रतिष्ठित शिक्षणतज्ज्ञ म्हणून प्रा. डॉ. शां. ब. मुजुमदार यांनी केलेले कार्य आणि त्यांनी निर्माण केलेले परंपरेकडे देशविदेशात आदराने पाहिले जाते. उच्च शिक्षणाच्या क्षेत्रात त्यांनी केलेल्या अग्रणी प्रयत्नांमुळे भारतातील उच्च शिक्षणाचे स्वरूप बदलण्यास मदत झाली असून, सांस्कृतिक देवाणघेवाण आणि नवोन्मेषाला चालना देणाऱ्या शैक्षणिक उपक्रमांनाही प्रेरणा मिळाली आहे..प्रा. मुजुमदार यांच्या दूरदृष्टीने आणि त्यांनी केलेल्या अथक प्रयत्नांमुळे पुण्यातील सिम्बायोसिस आंतरराष्ट्रीय विद्यापीठाचा आज देशातील नावाजलेल्या शैक्षणिक संस्थांमध्ये समावेश होतो. विविध क्षेत्रांतील शैक्षणिक उत्कृष्टतेचा ध्यास आणि सर्वसमावेशक वातावरण यामुळे सिम्बायोसिस एक बहुसांस्कृतिक केंद्र म्हणून नावारूपाला आले आहे..त्यामुळेच विविध देशातील विद्यार्थ्यांना हे विद्यापीठ आकर्षित करते. डॉ. मुजुमदार यांच्या कार्याची दखल घेऊन त्यांना ‘पद्मश्री’ आणि ‘पद्मभूषण’ हे राष्ट्रीय सन्मान प्रदान करण्यात आले आहेत. प्रा. मुजुमदार आगामी काळातही शिक्षण क्षेत्रामध्ये कार्यरत राहतील आणि त्यांच्या अमूल्य अनुभवाचा उपयोग भावी पिढ्यांच्या भल्यासाठी करतील, असा विश्वास वाटतो. त्यांना उत्तम आरोग्य आणि दीर्घायुष्यासाठी मनःपूर्वक शुभेच्छा!.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.