ढिंग टांग - मन तरपत लक्ष्मीदरशन को आज..!

डिअरम डिअर होम्मिनिष्टरसाहेब यांना म. पो. कॉ. बबन फुलपगार, उमर ४६, वजन ४६, छाती २६ (फुगवून साडे २६), कदकाठी पाच फू. सहा इं., याचा कडक सॅल्युट. जय हिंद. निवेदण लिहिनेस कारन कां की, ज्या ठिकाणी मी कर्तव्यावर आहे, तेथे अभूतपूर्व सिच्युएशन ओढवलेली आहे. इलाख्यात कोणीही दोन रात्री झोपलेले नाही. घरोघरी जागरणे चालू असून पब्लिक घराबाहेर रातसारी बसलेली असतात. दिवसा पाळ्या लावून झोपतात. याला कारणीभूत नामदार गुलाबराव पाटीलसाहेब आहेत, असे प्राथमिक चौकशीत आढळून आले आहे.