कु. सरोज चंदनवाले
नअस्कार! मधुचंद्राचं आणि मराठी साहित्याचं काय नातं असावं? असा गहन प्रश्न माझ्या अलवार, आणि कोमल मनाला पडला आहे. एका हातात वारुणीचा चषक, दुज्या हातात चोपडं आणि प्रियेच्या अंकावर मस्तक ठेवून वाचनानंदात बुडून गेलेला प्रियकर…हे चित्र उमर खय्यामच्या एखाद्या रुबाईतलं वाटतं, यात शंका नाही. पण…पण…ती तर एक कविकल्पना आहे. एरवी मधुचंद्रासाठी (पीएल टाकून, ट्रावल अलावन्स घेऊन) गेलेला कुठला नवपरिणीत प्रियतम बुके वाचण्यात वेळ घालवेल?