स्वागत नव्या पुस्तकांचे

करिअरचा बी प्लान

दहावी-बारावीनंतर योग्य करिअरची निवड करणं खूप महत्त्वाचं असतं. प्रत्येकाला आपल्या आवडी-निवडी, क्षमता आणि मूल्य यांचा सारासार विचार करून करिअरचा योग्य तो मार्ग निवडावा लागतो. ही निवड अधिक सोपी व्हावी यासाठी डॉ. श्रीराम गीत लिखित ‘करिअरचा बी प्लान’ हे पुस्तक मुलांनी आणि पालकांनी वाचायला हवं. या पुस्तकात दिलेल्या ‘सक्सेस स्टोरीज’ करिअरनिवडीचा योग्य मार्ग दाखवतील आणि प्रेरणाही देतील. स्वतःचं उत्तम आणि हटके करिअर घडवणाऱ्या यशवंतांच्या या कथा वाचताना विद्यार्थ्यांना करिअरचे नवे पर्यायही समजतील व त्यांना स्वतःची नवी वाटही सापडेल.

वैशिष्ट्य : विविध क्षेत्रातील २५ यशस्वी व्यक्तिमत्त्वांच्या कथा व त्यातून समोर येणारे तात्पर्य.

• प्रकाशन : मनोविकास प्रकाशन,

• पृष्ठे : १५२ मूल्य : १९९ रु.

• मुखपृष्ठ - राजू देशपांडे.