Bhavishya
Bhavishya

आजचे राशिभविष्य आणि पंचांग : १२ जुलै

पंचांग -
रविवार - आषाढ कृ. ७, चंद्रनक्षत्र उत्तराभाद्रपदा, चंद्रराशी मीन, सूर्योदय ६.०७, सूर्यास्त ७.१६, कालाष्टमी चंद्रोदय रा.११.५७, चंद्रास्त दु. १२.१०, भारतीय सौर २१, शके १९४२.

- पुण्याच्या बातम्या वाचण्यासाठी येथे ► क्लिक करा

दिनविशेष -
१८६४  - इतिहासाचार्य विश्वनाथ काशिनाथ राजवाडे यांचा जन्म. भाषाशास्त्र, व्युत्पत्ती, व्याकरण इ. विषयांवरही त्यांनी संशोधन, लेखन केले. 
१९६१ - मुठा नदीच्या आंबी या उपनदीवरील पानशेत धरण फुटून पुणे शहराला महापुराचा तडाखा बसला. नदीकाठच्या दोन्ही बाजूंच्या परिसरातील घरे, दुकाने, बॅंका, शाळा, ग्रंथालये आदींना पुराचा तडाखा बसून मोठी हानी झाली.
१९९४ - हिंदी व मराठी चित्रपट क्षेत्राचा चालता बोलता इतिहास, ज्ञानकोश म्हणून गौरविले जाणारे प्रसिद्ध पटकथालेखक व ‘बॉम्बे पब्लिसिटी सर्व्हिस’चे संचालक वसंत साठे यांचे निधन. 
१९९५ - अभिनेते दिलीपकुमार यांना दादासाहेब फाळके पुरस्कार जाहीर.
१९९८ - सोळाव्या विश्‍वकरंडक फुटबॉल स्पर्धेत यजमान फ्रान्सने गतविजेत्या ब्राझीलचा ३-० असा पराभव करून विश्‍वकरंडक जिंकला.
१९९९ - ज्येष्ठ चित्रपट अभिनेते राजेंद्रकुमार यांचे निधन.  त्यांचे ‘सूरज’, ‘गीत’, ‘आप आये बहार आयी’, ‘संगम’, ‘झुक गया आसमान’, ‘मेरे मेहबूब’, ‘आरजू’, ‘हमराही’ आदी चित्रपट विशेष गाजले.
१९९९ - ‘महाराष्ट्र भूषण’ हा राज्याचा सर्वोच्च पुरस्कार भारताचे माजी क्रिकेट कर्णधार सुनील गावसकर यांना प्रदान.
१९९९ - नामवंत खगोलशास्त्रज्ञ डॉ. रमतोष सरकार यांचे कलकत्ता येथे निधन.
२००१ - ज्येष्ठ कृषिशास्त्रज्ञ डॉ. एम. एस. स्वामिनाथन यांना लोकमान्य टिळक पुरस्कार जाहीर.
२००३ - ‘इंडियन इन्स्टिट्यूट ऑफ सायन्स’ मधील प्रसिद्ध पर्यावरण शास्त्रज्ञ प्रा. माधव गाडगीळ यांना ‘व्होल्व्हो एन्व्हायरन्मेंट’ पारितोषिक जाहीर. हे पारितोषिक १५ लाख क्रोनरचे (८५ लाख रुपये) आहे.

दिनमान -
मेष : आरोग्याकडे लक्ष द्यावे. वस्तू हरविणार नाहीत याची दक्षता घ्यावी.
वृषभ : थोरामोठ्यांचे सहकार्य लाभेल. आरोग्य चांगले राहील.
मिथुन : सार्वजनिक कामात प्रतिष्ठा लाभेल. तुमच्या व्यक्‍तिमत्त्वाचा प्रभाव वाढेल.
कर्क : तुमच्या कार्यक्षेत्रात चांगली संधी मिळेल. तुमचे निर्णय व अंदाज अचूक ठरणार आहेत.
सिंह : दिवस बराचसा प्रतिकूल आहे. महत्त्वाच्या गोष्टी पुढे ढकलाव्यात.
कन्या : मित्रांचे सहकार्य लाभेल. कलेच्या क्षेत्रात यश लाभेल.
तूळ : व्यवसायात अडचणी जाणवतील. थोरामोठ्यांची कृपा लाभेल.
वृश्‍चिक : कौटुंबिक सौख्य लाभेल. व्यवसायात आर्थिक प्राप्ती चांगली होईल.
धनू : प्रॉपर्टीच्या क्षेत्रातील व्यक्‍तींना यश मिळेल. कर्मचारी वर्गाचे सहकार्य लाभेल.
मकर : मनोरंजनाकडे कल वाढेल. विरोधकावर मात कराल.
कुंभ : उधारी, उसनवारी वसूल होईल. काहींना अचानक धनलाभाची शक्‍यता आहे.
मीन : हाती घेतलेली कामे मार्गी लागतील. यश, प्रतिष्ठा लाभणार आहे.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com