आजचे राशिभविष्य आणि पंचांग - २५ जानेवारी २०२१

Daily Horoscope
Daily Horoscope

सोमवार : पौष शुद्ध १२, चंद्रनक्षत्र मृग, चंद्रराशी वृषभ/मिथुन, सूर्योदय - ७.१०, सूर्यास्त -  ६.२५, चंद्रोदय दुपारी ३.२०, चंद्रास्त पहाटे ४.५८, भारतीय सौर माघ ४ शके १९४२.

दिनविशेष
१९८० - सोलापूरचे पंचांगकर्ते लक्ष्मणशास्त्री दाते यांचे निधन.
१९९४ - नागा बंडखोरांच्या हल्ल्यातून आपल्या पथकातील जवानांना वाचविताना धारातीर्थी पडलेले कर्नल नीलकांतन जयचंद्रन नायर यांना ‘अशोक चक्र’ पुरस्कार जाहीर.
१९९६ - रंगभूमी व चित्रपटांतील गुणवान अभिनेते प्रशांत सुभेदार यांचे निधन.
२००१ - स्वरसम्राज्ञी लता मंगेशकर व शहनाईनवाझ उस्ताद बिस्मिल्ला खाँ यांना ‘भारतरत्न’ हा देशाचा सर्वोच्च सन्मान जाहीर.
२००१ - जम्मू-काश्‍मीरमध्ये अतिरेक्‍यांविरुद्धच्या कारवाईत धारातीर्थी पडलेले मेजर प्रदीप रामचंद्र ताथवडे, लेफ्टनंट नरेंद्र आत्माराम मयेकर, कॅप्टन आर. सुब्रह्मण्यम, लेफ्टनंट रवींद्र चिकारा यांना ‘कीर्ती चक्र’ हा शौर्यासाठीचा देशातील मानाचा बहुमान जाहीर.
२००२ - संपूर्णपणे स्वदेशी बनावटीच्या आणि आखूड पल्ल्याच्या ‘अग्नी’ क्षेपणास्त्राची यशस्वी चाचणी.
२००४ - प्रसिद्ध लेखिका अमृता प्रीतम, ज्येष्ठ खगोलशास्त्रज्ञ जयंत नारळीकर आणि माजी सरन्यायाधीश एम. एन. वेंकटचलय्या यांना पद्मविभूषण किताब जाहीर.

------------------------------------

दिनमान
मेष : प्रवास सुखकर होतील. एखादी भाग्यकारक घटना घडेल.
वृषभ : मनोबल उत्तम राहील. आरोग्य उत्तम राहील. दैनंदिन कामात सुयश लाभेल.
मिथुन : दुपारनंतरचा दिवस विशेष अनुकूल आहे. महत्त्वाची कामे दुपारनंतर मार्गी लागतील.
कर्क : महत्त्वाची कामे शक्‍यतो दुपारपूर्वी करावीत. मानसिक अस्वस्थता जाणवेल.
सिंह : व्यवसायात आर्थिक लाभ होतील. मनोबल उत्तम राहील.
कन्या : सार्वजनिक कामात उत्साह वाढेल. महत्त्वाची कामे मार्गी लावू शकाल.
तूळ : दुपारनंतरचा दिवस विशेष अनुकूल आहे. कामात अडचणी जाणवतील.
वृश्‍चिक : महत्त्वाची कामे शक्‍यतो दुपारपूर्वी करावीत. वैवाहिक सौख्य लाभेल.
धनू : खर्चाचे प्रमाण वाढेल. कर्मचारीवर्गाचे सहकार्य लाभेल.
मकर : आरोग्याच्या तक्रारी कमी होतील. दुपारनंतर अनपेक्षित खर्च होईल.
कुंभ : मनोबल उत्तम राहील. प्रवास सुखकर होतील. वैवाहिक सौख्य लाभेल.
मीन : प्रॉपर्टी व गुंतवणुकीची कामे मार्गी लागतील. दैनंदिन कामे यशस्वी होतील.
प्रा. रमणलाल शहा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com