‘आयुष्य’ म्हणजे नक्की काय?

‘आयुष्य’ म्हणजे नक्की काय? विधात्याने दिलेली सुंदर देणगी म्हणजे आयुष्य, आयुष्य हे विधात्याचे लिहिलेलं एक पान आहे. पहिलं पान जन्म तर शेवटचं पान मृत्यू आहे.

जेव्हा आपण जन्माला येतो, तेव्हा आपल्या जीवनाची सुरवात होते म्हणून आयुष्यातलं पहिलं पान जन्म आहे. जेव्हा आपला मृत्यू होतो, तेव्हा आपल्या जीवनाचा शेवट होतो म्हणून आयुष्यातलं शेवटचं पान मृत्यू आहे. आयुष्यातली मधली पाने, ही आपल्यालाच भरायची असतात, मधली पाने लिहिणे विधात्याच्या हातात नसतात. मधली पाने आपली आपल्यालाच भरायची असतात. कारण ते आपलं कर्म असतं. आपण जे कर्म करतो, ते कर्म त्या पानांवर गिरवायचं असतं.

सुख दुःखाचा ठसा त्या पानांवर उमटवायचा असतो. होणाऱ्या चुका टाळायच्या नसतात. त्यांना सुधरवायचं असतं. त्यातून काही शिकून पुन्हा समोर जायचं असतं. यालाच जिवन म्हणजेच आयुष्य म्हणायचं असतं. नशीब कुणीच कुणाचं लिहत नाही. आपलं नशीब घडवणं आपल्याच हाती असतं. दुःख आहे म्हणून आयुष्य संपवायचं नसतं. त्या दुःखाचा सामना करुन पुन्हा नव्याने सुरवात करायची असते, यालाच आयुष्य म्हणायचं असतं. न थांबता, न थकता केलेला प्रवास म्हणजे आयुष्य.

येणाऱ्या प्रत्येक अडचणी वर मात करुन समोर जाणे म्हणजे खऱ्या अर्थाने आयुष्य जगणे. या जगात कुणीच कुणाचं नसतं, आपलं आयुष्य हे आपणच जगायचं असतं. आयुष्याला प्रत्येक दिवस हा शेवटचा दिवस म्हणून जगून बघा, जीवनाचा खरा आनंद अनुभवायला मिळेल आणि जीवनाचेही सार्थक होईल.

- फाल्गुनी खोंडे, नागपूर