पिढीजात पुण्याई

कुटुंबाचा वारसा, पुण्याई, मेहनत आणि लोकांचे प्रेम या बळावर कुणालाही प्रतिस्पर्धी न समजता आपला व्यवसाय इमानेइतबारे करीत असंख्य छोटे-स्थानिक व्यावसायिक आपलं नाणं खणखणीतपणे वाजवत असतात. याला साजेसं उदाहरण म्हणजे पनवेलमधील ‘पूजा आइस्क्रीम आणि ज्यूस सेंटर.’ भोईर कुटुंबाच्या तीन पिढ्या गेली सहा दशके फक्त स्वत: तयार केलेले आइस्क्रीम विकत नाहीत, तर प्रत्येक पिढीने स्वत:च्या कल्पकतेने हा व्यवसाय वाढवला आहे.