सातारा : दिवाळीत एसटीच्या १८१ जादा बस

  दिवाळीत एसटीच्या १८१ जादा बस
दिवाळीत एसटीच्या १८१ जादा बसsakal

सातारा : दिवाळीच्या सणाला गावी जाणाऱ्या चाकरमान्यांसाठी राज्य मार्ग परिवहन महामंडळाच्या सातारा विभागाने ३० ऑक्‍टोबरपासून जादा बस सोडण्याचे नियोजन केले आहे. दिवाळीतील सुट्यांच्या काळात शहरातील मध्यवर्ती बस स्थानकासह जिल्ह्यातील इतर आगारांतून नियोजित बस व्यतिरिक्त जादा १८१ बस सोडण्यात येणार आहेत.

गेल्या दीड वर्षाहून अधिक काळ कोरोनाचा प्रादुर्भाव राहिल्याने मागील दिवाळी लॉकडाउनमध्ये अडकली होती. मात्र, गेल्या दोन महिन्यांपासून कोरोनाचा प्रादुर्भाव कमी झाल्याने दिवाळीच्या सुटीसाठी गावी जाणाऱ्या नोकरदार, विद्यार्थ्यांची गर्दी लक्षात घेऊन एसटी प्रशासनाने विविध मार्गांवर जादा बसच्या फेऱ्या उपलब्ध करून दिल्या आहेत, तसेच प्रवाशांची गर्दी वाढल्यास गरजेनुसार जादा गाड्या उपलब्ध करून देण्यात येणार आहेत.

  दिवाळीत एसटीच्या १८१ जादा बस
मृताचा खोटा कोरोना अहवाल बनवल्याचे उघड; पनवेलमधील महिला वकील मृत्यू प्रकरण

या फेऱ्या सातारा विभागातून दिवाळीसाठी ३० ऑक्टोबर ते १४ नोव्हेंबर या कालावधीत सुरू राहणार आहेत. दिवाळीनिमित्त खानदेश, मराठवाडा, विदर्भ या भागांत जाण्यासाठी प्रशासनाकडून जादा बस सोडल्या जाणार आहेत. प्रवाशांच्या सोयीसाठी एसटी प्रशासनाने आगाऊ आरक्षणाची सोय उपलब्ध करून दिली आहे. या सुविधेचा लाभ घेत नागरिकांनी आगाऊ आरक्षण करावे, असेही आवाहन एसटी प्रशासनाने केले आहे.

दरम्यान, दिवाळीनिमित्त दैनंदिन फेऱ्या व्यतिरिक्त राज्यात सोलापूर, नगर, नाशिक, परभणी, नांदेड, अक्कलकोट, लातूर, शेगाव, कोल्हापूर, चिपळूण, पणजी व इतर ठिकाणी फेऱ्या सुरू होणार आहेत. याचबरोबर लांब पल्ल्याच्या सातारा- मुंबई २४ फेऱ्या, सातारा- ठाणे बोरिवली ८, सातारा- सायन- बोरिवली ८ व सातारा- स्वारगेट (विनावाहक विना थांबा) ५६ फेऱ्या होणार आहेत. त्याचप्रमाणे कऱ्हाड- स्वारगेट (बायपास सातारा) १४ फेऱ्या व फलटण- बोरिवली मार्गावर दैनंदिन १४ फेऱ्या (प्रत्येक तासाला) सुरू असल्याची माहिती विभागीय वाहतूक अधिकारी ज्योती गायकवाड यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com