Tarale pumped storage project Patan Satara news
esakal
-सचिन शिंदे
कराड : पाटण तालुक्यातील तारळे परिसरात उभारण्यात येत असलेल्या अदानी समूहाच्या पम्प्ड स्टोरेज प्रकल्पासाठी कंपनीला नियमानुसार २२७ कोटी रुपयांची रक्कम सह्याद्री व्याघ्र संवर्धनासाठी भरावी लागणार (Tarale pumped storage project Patan Satara news) आहे. प्रकल्पाच्या मूळ ५ हजार ६७५ कोटी रुपयांच्या खर्चाच्या चार टक्के ही रक्कम असून, मुख्य प्रकल्पाच्या मंजुरीच्या वेळी ती वसूल केली जाणार आहे. वनमंत्री गणेश नाईक यांच्या उपस्थितीत मंत्रालयात झालेल्या बैठकीत याबाबत निर्णय झाल्याची माहिती वन विभागाचे अतिरिक्त मुख्य सचिव संजय खंदारे यांनी दिली.