सातारा : रोटरी क्लब ऑफ वाई, रोटरी क्लब ऑफ वेलबीईंग इंटरनॅशनल यांच्या पुढाकाराने, रोटरी फाउंडेशनच्या मदतीने जिल्हा रुग्णालयातील नवजात बालकांचा अतिदक्षता विभागामध्ये सुमारे ४८ लाख रुपयांची नवीन उपकरणे उपलब्ध करण्यात आली आहे. त्यामुळे रुग्णालयातील नवजात बाळांचा अतिदक्षता विभाग सक्षम झाला असून, अत्यावश्यक उपचारांसाठी जिल्ह्याबाहेर पाठवाव्या लागणाऱ्या बाळांवर तातडीने उपचार होण्यास मदत मिळणार आहे.