सातारा : उपमुख्यमंत्री अजित पवार उद्या जिल्ह्याच्या दौऱ्यावर | Sakal
sakal

बोलून बातमी शोधा

Ajit Pawar

सातारा : उपमुख्यमंत्री अजित पवार उद्या जिल्ह्याच्या दौऱ्यावर

सातारा : विविध कार्यक्रमांच्या निमित्ताने उपमुख्यमंत्री अजित पवार(ajit pawar) येत्या सोमवारी (ता. ३) जिल्ह्याच्या दौऱ्यावर येत आहेत. यामध्ये क्रांतिज्योती सावित्रीबाई फुले(savitribai phule) यांच्या जयंतीनिमित्त नायगाव येथे होणाऱ्या कार्यक्रमापासून त्यांच्या दौऱ्यास सुरुवात होणार आहे. कोरोनाचा वाढता संसर्ग लक्षात घेता या दौऱ्यातील कार्यक्रमांत कोरोना नियमावलीचे पालन करण्याबाबतची काळजी जिल्हा राष्ट्रवादी कॉँग्रेसकडून घेतली जाणार आहे, अशी माहिती जिल्हा सरचिटणीस राजकुमार पाटील यांनी दिली.

हेही वाचा: सरकार पडण्याची स्वप्ने नैराश्‍यातून; शंभूराज देसाई

उपमुख्यमंत्री पवार यांचे सोमवारी सकाळी दहा वाजता नायगाव (ता. खंडाळा) येथे आगमन होईल. क्रांतिज्योती सावित्रीबाई फुले यांच्या जयंतीनिमित्त अभिवादन व इतर कार्यक्रमास ते उपस्थित राहतील. त्यानंतर दुपारी अडीच वाजता ते वाठार किरोली (ता. कोरेगाव) येथे विविध विकासकामांचे उद्‌घाटन व भूमिपूजन त्यांच्या हस्ते होईल. त्यानंतर दुपारी साडेतीन वाजता रहिमतपूर पालिकेच्या स्पर्धा परीक्षा केंद्राच्या उद्‌घाटनास ते उपस्थित राहतील. त्यानंतर साडेचार वाजता ते धामणेर येथील विकास सोसायटीच्या कार्यालयाचे उद्‌घाटनास उपस्थित राहतील. सायंकाळी साडेपाच वाजता जिल्हा राष्ट्रवादी काँग्रेसच्या भवनाच्या नूतनीकरणाचे उद्‌घाटन त्यांच्या हस्ते होईल.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top