वाह, क्या बात है! निंबोडीच्या 'आकाश'ची लेफ्टनंट पदाला गवसणी
लोणंद (सातारा) : निंबोडी (ता. खंडाळा) गावचे सुपुत्र आकाश संजय शेळके (Akash Shelke) यांची नुकतीच भारतीय सैन्य दलात (Indian Army) लेफ्टनंटपदी नियुक्ती झाली आहे. सेवानिवृत्त सुभेदार मेजर व ऑनररी (मानद) लेफ्टनंट संजय तुकाराम शेळके यांचे चिरंजीव, तर निंबोडीचे माजी सरपंच तुकाराम राजाराम शेळके यांचे ते नातू आहेत. भारतीय सैन्य दलात लेफ्टनंट (lieutenant in Indian Army) पदाला गवसणी घालणारा निंबोडी व लोणंद परिसरातील तो पहिला युवक ठरला आहे. (Akash Shelke From Nimbodi Has Been Selected As A Lieutenant In The Indian Army)
निंबोडी (ता. खंडाळा) गावचे सुपुत्र आकाश संजय शेळके यांची नुकतीच भारतीय सैन्य दलात लेफ्टनंटपदी नियुक्ती झाली आहे.
डेहराडून येथील इंडियन मिलिटरी ॲकॅडमी (Indian Military Academy In Dehradun) येथे लेफ्टनंट जनरल आर. पी. सिंग यांच्या उपस्थितीत नुकतीच पासिंग आउट परेड झाली. त्या वेळी गोपनीयतेची शपथ देऊन आकाश यांची लेफ्टनंटपदी नियुक्ती करण्यात आली. त्याचे पाचवीपर्यंतचे शिक्षण आर्मी पब्लिक स्कूलमध्ये (Army Public School), तर सहावी ते बारावीपर्यंतचे शिक्षण सातारा येथील सैनिक स्कूलमध्ये (Satara Military School) झाले.
नांदेड येथील शासकीय महाविद्यालयात अभियंता शिक्षण घेताना केंद्रीय लोकसेवा आयोगाची (Central Public Service Commission) तयारी केली. २०१६ मध्ये युपीएससी परीक्षा पास झाल्यानंतर २०१७ मध्ये खडकवासला (पुणे) येथील नॅशनल डिफेन्स ॲकॅडमी येथे प्रशिक्षण घेतले. त्या वेळीच त्याने पदवीचे शिक्षणही पूर्ण केले. त्यानंतर भारतीय सैन्य दलाच्या डेहराडून येथील इंडियन मिलिटरी ॲकॅडमी येथे एक वर्षाचे मिलिटरी ट्रेनिंग पूर्ण केल्यानंतर आज त्यांची सैन्य दलात लेफ्टनंटपदी नियुक्ती झाली आहे.
Akash Shelke From Nimbodi Has Been Selected As A Lieutenant In The Indian Army
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.