Vendor association members in Andori helping newspaper seller Rajendra Dagade during illness."Sakal
सातारा
Newspaper Vendor:'वृत्तपत्र विक्रेत्याच्या आजारावर माणुसकीची फुंकर'; अंदोरीच्या राजेंद्र दगडेंना विक्रेता संघटनेचा मदतीचा हात
Newspaper Vendors Show Solidarity : घरच्या सामान्य परिस्थितीशी दोन हात करत, ते हा व्यवसाय इमाने-इतबारे करतात. त्यातून मिळणाऱ्या उत्पन्नातून कुटुंबाचा उदरनिर्वाह करतात. अशातच त्यांना तीन महिन्यांपूर्वी हृदयविकाराचा झटका आला. उपचारासाठी त्यांना बारामती येथील रुग्णालयात दाखल करावे लागले.
सातारा: आजच्या युगात कोणालाच कोणासाठी वेळ नाही, हे आपण पाहतो. अशा स्थितीत एकमेकांच्या मदतीला धावून जाण्याचे प्रकारही अगदी विरळ होत आहेत; परंतु आपल्या दिनचर्येतला, संपर्कातला एखादा सहकारी एखाद्या समस्येत अथवा आजारपणात अडकला असेल, तर त्याला प्राधान्याने मदत करण्याचा विचार जपणारे लोकच समाजात खरे माणुसकीची फुंकर घालणारे ठरतात. याचाच प्रत्यय अंदोरी (ता. खंडाळा) येथील वर्तमानपत्र विक्रेते राजेंद्र दगडे यांनी त्यांच्या आजारपणाच्या निमित्ताने घेतला.