नवाब मलिकांना झालेली अटक राजकीय सुडातून : पृथ्वीराज चव्हाण

कऱ्हाड: राष्ट्रवादी काॅंग्रेसचे नेते नवाब मलिक यांना झालेली अटक राजकीय सुडातून झाली आहे, असा आरोप पृथ्वीराज चव्हाण यांनी ट्विटव्दारे केला आहे.

मंत्री नवाब मलीक यांच्या अटकेनंतर राज्यातील महाविकास आघाडीचे नेते आक्रमक झाले आहेत. राष्ट्रवादी, शिवसेना आणि काॅंग्रेस नेत्यांकडून आरोप होत आहेत. माजी मुख्यमंत्री आमदार पृथ्वीराज चव्हाण यांनी अटक म्हणजे एक राजकीय खेळी असल्याचे ट्विट केले आहे.

मंत्री मलिक यांची अटक महाविकास आघाडी सरकारला अस्थिर करण्याचा भाजपचा आणखी एक प्रयत्न आहे असे म्हटलं आहे. उत्तर प्रदेशच्या निवडणुकीत नजीकच्या काळात हाेणाऱ्या पराभवाने भाजप आत्तापासून अस्वस्थता पसरली आहे. २०२४ पूर्वी उत्तर प्रदेश आणि महाराष्ट्र दोन्ही राज्य गमावणे भाजपला परवडणारे नाही. प्रकार राजकीय खेळीतून, सूडातून केला गेला असेही आमदार चव्हाण यांनी नमूद केले आहे