Minister Shivendrasinhraje Bhosale
सातारा : लोकशाहीत बहुमतांवर निवडणुका होत असतात. जिल्हा परिषद अध्यक्ष, उपाध्यक्षपदाच्या निवडीवेळी भाजपने आपले बहुमत दाखवले होते. आज सभापती निवडीतही भाजपने बहुमताच्या जोरावर निवडणूक जिंकली आहे. राष्ट्रवादी व शिवसेनेच्या नेत्यांनी झाकली मूठ सव्वा लाखाची या उक्तीप्रमाणे त्यांच्याकडे बहुमत नाही. हे माहीत असल्याने उघडे पडू नये, म्हणून बहिष्कार टाकून निषेध करण्याची भूमिका त्यांनी घेतली, अशा शब्दात सार्वजनिक बांधकाममंत्री शिवेंद्रसिंहराजे भोसले यांनी राष्ट्रवादी, शिवसेनेच्या नेत्यांची खिल्ली उडवली.
