आशा, आरोग्य सेविकांवर कुष्ठ, क्षयरुग्ण शाेधण्याची जबाबदारी

आशा, आरोग्य सेविकांवर कुष्ठ, क्षयरुग्ण शाेधण्याची जबाबदारी

मसूर (जि. सातारा) : राज्यातील कोविडच्या आपत्कालीन परिस्थितीत कुष्ठरुग्ण व क्षयरुग्णांचे निदान व औषधोपचाराचे प्रमाण आत्तापर्यंतच्या तुलनेत यावर्षी अत्यंत कमी झाले आहे. त्यानुसार या संदर्भात आरोग्य व कुटुंब कल्याण मंत्रालय भारत सरकार यांच्याकडून आलेल्या मार्गदर्शक सूचनेनुसार 16 डिसेंबरपर्यंत कुष्ठरोग व क्षयरोगाच्या रुग्णांवर उपचाराविषयीचीही मोहीम मसूर प्राथमिक आरोग्य केंद्राच्या कार्यक्षेत्रात कार्यक्षमपणे राबविणार आहाेत अशी माहिती आरोग्य केंद्राचे वैद्यकीय अधिकारी डॉ. रमेश लोखंडे यांनी दिली. 

मोहिमेत निदान न झालेले कुष्ठरुग्ण, नवीन सांसर्गिक कुष्ठरोग रुग्ण शोधून त्यांना त्वरित बहुविध औषधोपचाराखाली आणणे, नवीन कुष्ठरुग्णांमध्ये विकृतीचे प्रमाण दर दहा लाख लोकसंख्येमागे एक पेक्षा कमी करणे. समाजात कुष्ठरोगाविषयी जनजागृती करणे व कुष्ठरोग निर्मूलनाच्या दिशेने वाटचाल करणे. क्षयरोगाच्या निदानाअभावी अद्यापि वंचित असणाऱ्या क्षयरुग्णांचा शोध घेऊन त्यांना क्षयरोग उपचारावर आणणे. प्रशिक्षित पथकाद्वारे ग्रहभेट देऊन क्षयरोगाची लक्षणे असणाऱ्या व्यक्तींना शोधणे. संशयित क्षयरुग्णांचे थुंकी नमुने व एक्‍स-रे तपासणी करून क्षयरोगाचे निदान करणे व औषधोपचार सुरू करण्यात येणार आहेत. 

ना डांबर, ना मुरुम असा रस्ताच नकाे म्हणत, गुंडेवाडीतील युवकांनी पाडले काम बंद

याबाबत प्राथमिक आरोग्य केंद्रांत सर्व आशा व आरोग्य सेवक यांचे प्रशिक्षण नुकतेच पूर्ण करण्यात आले आहे. घरामधील सर्व सभासदांची कुष्ठरोग व क्षयरोग या आजारांसाठी शारीरिक तपासणी करण्यात येणार आहे. त्वचेवर फिकट, लालसर बधिर पट्टा असणे, जाड, बधिर तेलकट चकाकणारी त्वचा, कानाच्या पाळ्या जाड होणे व भुवयांचे केस विरळ होणे इत्यादी लक्षणे असल्यास घरी येणाऱ्या पथकाला सांगणे. दोन आठवड्यांपेक्षा जास्त खोकला, ताप, वजनात लक्षणीय घट, थुंकीवाटे रक्त पडत असल्याससुद्धा येणाऱ्या पथकाला माहिती देणे व लवकरात लवकर या मोहिमेद्वारे आपल्याला असणाऱ्या आजाराचे निदान करून घेणे व उपचार सुरू करण्याबाबतचे आवाहन डॉ. लोखंडे यांनी केले.

सातारा : कुष्ठरोग व क्षयरोग निर्मूलनासाठी विशेष मोहीम

राज्यातील सरकारी कर्मचाऱ्यांना २०२१ मध्ये मिळणार १९ सुट्ट्या 

Edited By : Siddharth Latkar 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com