सातारा : क्वॉरंटाईनचा शिक्का मारुन घेण्यास सांगितल्याचा राग मनात धरुन गोडोली येथील एका दांपत्यास मारहाण करुन ऍट्रॉसिटीची धमकी देत मंगळसूत्र हिसकावून नेल्याप्रकरणी सहा जणांच्या विरोधात शहर पोलिस ठाण्यात गुन्हा दाखल झाला आहे.
वर्षा गायकवाड, वैभव गायकवाड, उषा गायकवाड, रामचंद्र गायकवाड तसेच उषा गायकवाड यांची आई व लहान बहिणीवर (रा. मंगळाई कॉलनी, शाहुनगर) हा गुन्हा दाखल झाला आहे. सहा ते दहा नोव्हेंबर या कालावधीत हा प्रकार घडला आहे. सविता बाळासाहेब फुले (रा. मंगळाई कॉलनी, शाहूनगर, गोडोली) यांनी वर्षा गायकवाड हिला क्वॉरंटाईनचा शिक्का मारुन घेण्यास सांगितले होते. याचा राग वर्षा गायकवाड हिच्या मनात होता. त्यावरून फुले व गायकवाड कुटुंबात काही दिवसांपासून वाद सुरु आहे. दरम्यान, गायकवाड कुटुंबातील सदस्यांनी घराच्या भिंती आणि गेटच्या कारणावरुन सविता फुले यांना वारंवार शिवीगाळ केली, तसेच तुमच्यावर ऍट्रॉसिटी दाखल करतो, अशी धमकी देवून दमदाटीही केली.
पतीला मारहाण केली. माझे केस ओढून पोटात लाथाबुक्‍क्‍यांनी मारहाण केली. या वेळी उषा गायकवाड हिने गळ्यातील पावणेतीन तोळ्याचे मंगळसूत्र ओढून डाव्या हाताच्या करंगळीचे बोट मोडल्याचे सविता यांनी फिर्यादीत म्हटले आहे. तक्रारीनंतर सहाय्यक पोलीस अधीक्षक आंचल दलाल यांनी घटनास्थळी भेट देऊन पाहणी केली. सहायक पोलीस निरीक्षक एस. के. मोरे तपास करत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.