कोट्यवधींचे कर्ज देण्याचे आमिष दाखविणाऱ्या पुणे, उस्मानाबाद जिल्ह्यांतील दोघांवर फसवणुकीचा साताऱ्यात गुन्हा

सातारा : कंपनीसाठी एक कोटी 68 लाख रुपये कर्ज मंजूर करण्याचे आमिष दाखवून दोन लाख 29 हजार 279 रुपयांची फसवणूक केल्याप्रकरणी दोघांवर शहर पोलिस ठाण्यात गुन्हा दाखल करण्यात आला आहे. अमित अमरसिंग परदेशी (रा. चांभारवाडा, दौंड, जि. पुणे) व मनोहर औदुंबर भारती (रा. पागारदरवाडी, ता. तुळजापूर, जि. उस्मानाबाद) अशी त्यांची नावे आहेत.

याबाबत प्रतिभा चंद्रकांत पवार (वय 33, रा. गोरखपूर, पिरवाडी) यांनी फिर्याद दिली आहे. त्यांची शेरेचीवाडी (ता. फलटण) येथे मोरया पॅकेजिंग इंडस्ट्रीज नावाची कंपनी आहे. या कंपनीसाठी एक कोटी 68 लाख रुपये कर्ज मंजूर करण्याचे आमिष दोघांनी त्यांना दाखविले होते. कर्ज रक्कम वितरित करण्यासाठी म्हणून त्यांनी लॉग इन चार्जेस, प्रोसेसिंग फी, व्हॅल्युएशन रिपोर्ट अशा विविध कारणांसाठी त्यांनी त्यांच्याकडून दोन लाख 29 हजार 279 रुपये घेतले होते. तरीही कर्ज न देता त्यांनी फसवणूक केल्याचे प्रतिभा यांनी फिर्यादीत म्हटले आहे. उपनिरीक्षक एम. के. कदम तपास करत आहेत. 

यंदा ना वाहनांचे कर्कश हॉर्न, ना पोलिसांच्या शिट्ट्या 

कऱ्हाड : केबल चॅनेलद्वारे ज्ञानदान, पालिका शाळा क्रमांक तीनच्या प्रयत्नास यश

अरे बापरे... या वाडीत गांजाची शेती