Covid 19 : सातारा जिल्ह्यात बारा रुग्णांचा मृत्यू

सातारा : सातारा जिल्ह्यात 190 जणांना कोरोनाची बाधा झाल्याचे समोर आले, तर उपचारादरम्यान बारा रुग्णांचा मृत्यू झाल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
 
क्रांतिसिंह नाना पाटील सर्वसाधारण रुग्णालय येथे उपचार घेताना मोरे कॉलनी सातारा येथील 75 वर्षीय पुरुष, विजयनगर (ता. सातारा) येथील 70 वर्षीय महिला, कुमठे (ता. कोरेगाव) येथील 95 वर्षीय पुरुष, जामखेड रोड (ता. सातारा) येथील 64 वर्षीय पुरुष, निंबळक (ता. फलटण) येथील 55 वर्षीय पुरुष, विरमाडे (ता. वाई) येथील 74 वर्षीय पुरुष, सदरबझार सातारा येथील 70 वर्षीय महिला.

शिरवडे (जि. सातारा) : ग्रामस्थ अंधारात, महावितरण समारंभात

अनंत विहार (ता. सातारा) येथील 56 वर्षीय पुरुष, तसेच विविध खासगी हॉस्पिटलमध्ये माजगाव (ता. पाटण) येथील 70 वर्षीय महिला, तरडगाव (ता. फलटण) येथील 70 व 92 वर्षीय पुरुष, सदरबझार सातारा येथील 72 वर्षीय पुरुष अशा एकूण 12 कोविड बाधितांचा उपचारादरम्यान मृत्यू झाल्याची माहिती डॉ. चव्हाण यांनी दिली. 

• नमुने घेतलेले संशयित  1,79,258
   
• एकूण बाधित  45,070 
   
• घरी सोडलेले रुग्ण  38,986 
   
• मृत्यू 1492 
   
• उपचार सुरू असलेले रुग्ण 4592