कोयना धरणातून नदी पात्रात 1050 क्यूसेक विसर्ग

सिद्धार्थ लाटकर
Wednesday, 23 September 2020

पाणलोट क्षेत्रात ऑगस्ट महिन्यात झालेल्या मुसळधार पावसाने 15 ऑगस्ट रोजी कोयना धरणाचे सहा वक्र दरवाजे उघडले होते.
 

सातारा : कोयना धरण मंगळवारी (ता. २२) रात्री पूर्णक्षमतेने भरले आहे. धरणातील पाणीसाठा 105.25 टीएमसी झाला आहे. सध्या धरण पायथा विजगृहातून कोयना नदी पात्रात 1050 क्यूसेक विसर्ग सुरू आहे.

यापुढे धरणात येणारी आवक पाहून कधीही विसर्ग कमी किंवा जास्त करावा लागणार आहे. नदीकाठच्या लोकांनी सतर्क रहावे असा इशारा आज (बुधवार) सकाळी काेयना.धरण व्यवस्थापनाने दिला आहे.

सातारा-जावळी असा दुजाभाव मी कधीच केला नाही : शिवेंद्रसिंहराजे

राज्यासाठी वरदायिनी ठरलेले कोयना धरण सलग दहाव्या वर्षी पूर्णक्षमतेने भरले आहे. धरण भरल्याने शेतीसह सिंचन अन्‌ विजेचा प्रश्न निकालात निघाला आहे. धरणात येणाऱ्या पाण्याची आवक तीन हजार 308 क्‍युसेक आहे.

धरण पाणलोट क्षेत्रात मागील वर्षापेक्षा यंदा पाऊस कमी झाला आहे. मात्र, तरीही कोयना धरण पूर्णक्षमतेने भरले आहे. पाणलोट क्षेत्रात ऑगस्ट महिन्यात झालेल्या मुसळधार पावसाने 15 ऑगस्ट रोजी कोयना धरणाचे सहा वक्र दरवाजे उघडले होते.

Video : पाच दिवसानंतर संधी मिळताच श्रीनिवास पाटील मराठा आरक्षणावर गरजले 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Excess Water Released From Koyna Dam Satara News