Inspiring Journey: Palshi युवक Becomes Agriculture Officer After Years of Struggle
sakal
-रूपेश कदम
दहिवडी: माण तालुक्यातील पळशी हे अधिकाऱ्यांचे गाव म्हणून प्रसिद्ध आहे. या गावातील प्रगतशील रेशीम उत्पादक शेतकरी, उत्तम उद्योजक व विद्यमान उपसरपंच केशव खाडे व गृहिणी असलेल्या अलकावती याचा सुपुत्र अतिश खाडे याची महाराष्ट्र लोकसेवा आयोगातून २०२४ मध्ये घेण्यात आलेल्या परीक्षेत कृषी अधिकारी (राजपत्रित अधिकारी गट-ब) पदावर निवड झाली आहे. या निवडीने त्याने कुटुंबाबरोबरच पळशी गावचे नाव उंचावून गावाच्या नावलौकिकात भर टाकली आहे.