पुरोगामी महाराष्ट्रात चाललंय काय? साताऱ्यात जादुटोणा करुन युवतीवर अत्याचार

सातारा : पुरोगामी समजल्या जाणाऱ्या महाराष्ट्रातून एक धक्कादायक घटना समोर आलीय. एका युवकानं जादुटोणा करुन युवतीवर अत्याचार केल्याची खळबळजनक घटना साताऱ्यात उघडकीस आलीय. शहरातील एका काॅलनीत ही धक्कादायक घटना घडलीय.

या प्रकरणी पोलिसांनी मुक्तार नासीर शेख याला ताब्यात घेतलंय. शेख याच्यावर गुन्हा दाखल करण्यात आल्याची माहिती पोलिसांनी (Satara Police) दिलीय. युवतीनं दिलेल्या तक्रारीत शेख यानं तिला एकटीला रुममध्ये नेऊन तिच्या डोक्यावर लिंबू फिरवला. त्यानंतर तिला भोवळ आल्याने जबरदस्ती करून तिच्यावर अत्याचार केल्याचं तक्रारीत म्हटलंय.

या घडलेल्या प्रकारामुळं साताऱ्यात खळबळ माजलीय. या प्रकारावरुन पोलिसांनी ३७६ आणि २०१ चे ३ कलम ३ प्रमाणं गुन्हा दाखल केलाय. मुक्तार नासीर शेख याला ताब्यात घेतल्याचं संजय पतंगे (पोलिस निरीक्षक, शाहूपुरी पोलिस स्टेशन, सातारा) यांनी सांगितलंय. याबाबत अधिक तपास पोलिस करत असल्याचंही ते म्हणाले.