प्रवेशासाठी पैसे न मिळाल्यामुळं मुलीची विषारी औषध पिऊन आत्महत्या I Crime News | Sakal
sakal

बोलून बातमी शोधा

Satara Crime News

आर्इ मोलमजुरी करून कुटुंबाचा उदरनिर्वाह चालवत होती.

प्रवेशासाठी पैसे न मिळाल्यामुळं मुलीची विषारी औषध पिऊन आत्महत्या

सातारा : भरतीपूर्व प्रशिक्षण केंद्रात (Recruitment Training Center) प्रवेश घेण्यासाठी पैसे न मिळाल्यामुळे आलेल्या नैराश्यातून तालुक्यातील एका अल्पवयीन मुलीने विषारी औषध पिऊन आत्महत्या केली आहे. संबंधित मुलीच्या वडिलांचे काही वर्षांपूर्वी निधन झाले आहे.

तिची आर्इ मोलमजुरी करून कुटुंबाचा उदरनिर्वाह चालवत होती. मुलगी अकरावीत शिकत होती. तिला पोलिस भरती (Police Recruitment) व्हायचे होते. त्यासाठी तिला भरतीपूर्व प्रशिक्षण केंद्रात प्रवेश घ्यायचा होता. मात्र, आर्थिक परिस्थितीमुळे आर्इने पैसे दिले नाहीत. आपण पैसे आल्यावर प्रवेश घेऊ, असे तिने सांगितले.

हेही वाचा: प्रियकरानं पत्नीलासोबत घेऊन प्रेयसीचा काढला काटा

या नैराश्यातून संबंधित मुलीने सोमवारी (ता. 28) विषारी औषध पिले. तिला उपचारासाठी जिल्हा रुग्णालयात (Satara Hospital) दाखल करण्यात आले होते; परंतु काल रात्री तिचा उपचारदरम्यान मृत्यू झाला. याबाबत तालुका पोलिस ठाण्यात (Satara Police Station) नोंद झाली आहे. हवालदार आशिष कुमठेकर तपास करत आहेत.

Web Title: Girl Commits Suicide By Drinking Poison At Satara

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :SataraCrime News
go to top